ᑐᐊᕕᕐᓇᖅᑐᓄᑦ ᐸᕐᓇᓯᒪᓂᖅ”

ᓯᑯᒥ ᓵᑦᑐᒦᑦᑐᑦ On Thin Ice project ᕿᓂᖅᑐᑦ ᐱᐅᓯᑎᒋᐊᕈᑎᔅᓴᓂ ᑐᐊᕕᕐᓇᖅᑐᓄ ᐸᕐᓇᓯᒪᓂᕐᒥᑦ ᐃᓄᓐᓄᑦ ᑎᒥᒥᒍᑦ ᐊᔪᕈᑎᖃᖅᑐᓄᑦ ᓄᓇᖃᖅᑐᓄᑦ ᑲᓇᑕᒥ ᐅᑭᐅᑕᖅᑐᒥ ᓇᓕᒧᓪᓗᒋᑦ ᐃᓄᐃᑦ, ᓄᓇᓖᑦ ᐊᒻᒪ ᓄᓇᕗᑦ.

ᐃᓄᐃᑦ: ᓯᑯᒥ ᓵᑦᑐᒦᑦᑐᑦ On Thin Ice ᐱᐅᓯᑎᑦᑎᒋᐊᓂᐊᖅᑐᑦ ᐱᔪᓐᓇᕐᓂᕆᔭᖏᓐᓂ ᐃᓄᓐᓂᑦ ᑎᒥᒥᒍᑦ ᐊᔪᕈᑎᓕᓐᓂ ᖃᓄᐃᓕᓯᒋᐊᕈᑎᖏᓐᓂ ᑐᐊᕕᕐᓇᖅᑐᑕᖃᖅᑎᓪᓗᒍ. ᐱᓕᕆᐊᓕᕆᔩᑦ, ᐅᖃᖃᑎᖃᕐᓗᑎᑦ ᓄᓇᓕᒻᒥ ᐊᔪᕈᑎᓕᓐᓂ ᑐᐊᕕᕐᓇᖅᑐᓕᕆᔨᓂᓪᓗ ᑲᑐᔾᔨᖃᑎᒌᓂᑦ, ᓴᓇᕙᓪᓕᐊᔪᑦ ᐃᒻᒥᒃᑯᑦ ᐃᑲᔪᓂᕐᒥᑦ ᖃᐅᔨᓴᕋᔅᓴᓂ ᑎᑎᕋᖅᓯᒪᔪᓂ ᐃᓄᓐᓄᑦ ᑎᒥᒥᒍᑦ ᐊᔪᕈᑎᓕᓐᓄᑦ, ᐊᒻᒪᓗᑦᑕᐅᖅ ᓇᓗᓇᐃᖅᑕᐅᓂᖏᓐᓄ ᑕᑕᑎᕆᐊᓖᑦ ᑐᓂᔭᐅᔭᕆᐊᓖᑦ ᐅᐸᔅᓯᖄᖅᑐᓄᑦ ᑎᒥᐅᔪᓄᑦ. ᓯᑯᒥ ᓵᑦᑐᒦᑦᑐᑦ On Thin Ice ᐱᓕᕆᐊᓕᕆᔩᑦ ᐃᓕᓐᓂᐊᓯᓐᓈᓂᐊᖅᑐᑦ ᐱᓕᒻᒪᔅᓴᐃᓗᑎᑦ ᐃᓄᓐᓂᑦ ᑎᒥᒥᒍᑦ ᐊᔪᕈᑎᓕᓐᓂ ᐊᒻᒪ ᐅᐸᔅᓯᖄᖅᑐᓂ ᐊᑐᖅᑕᐅᓂᖏᓐᓄ ᑕᒪᒃᑭ ᑎᑎᕋᖅᓯᒪᔪᑦ.

ᓄᓇᓕᐅᔪᖅ: ᓯᑯᒥ ᓵᑦᑐᒦᑦᑐᑦ On Thin Ice ᖁᕝᕙᕆᐊᖅᑎᑦᑎᓂᐊᖅᑐᑦ  ᓄᓇᓕᐅᔪᑦ ᐱᓕᕆᔪᓐᓇᕐᓂᖏᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᐅᔾᔨᕈᓱᑦᑎᑦᑎᒋᐊᕐᓗᑎᑦ ᑐᐊᕕᕐᓇᖅᑐᓄᑦ ᐸᕐᓇᓯᒪᓂᓂᕐᒥᑦ ᐃᓄᓐᓄᑦ ᑎᒥᒥᒍᑦ ᐊᔪᕈᑎᖃᖅᑐᓄᑦ.  ᐱᓕᕆᐊᖅ ᐱᐅᓯᑎᑦᑎᒋᐊᓂᐊᕐᒥᔪᖅᑕᐅᖅ ᓄᓇᓕᐅᔪᑦ ᐱᓕᕆᔪᓐᓇᕐᓂᖏᓐᓄ ᑐᐊᕕᕐᓇᖅᑐᓂᑦ ᓴᓐᖓᑎᑦᑎᒋᐊᕐᓗᑎᑦ ᓄᓇᓕᐅᔪᒥ ᐃᓚᐅᑎᑕᐅᓂᖏᑦ, ᐱᓗᓕᐊᖅᑐᒥ ᑐᐊᕕᕐᓇᖅᑐᓕᕆᔩᑦ ᑲᑐᔾᔨᖃᑎᒌᑦ, ᐅᐸᔅᓯᖄᖃᑦᑕᖅᑐᑦ, ᐊᒻᒪ ᐃᓄᓐᓂ ᑎᒥᒥᒍᑦ ᐊᔪᕈᑎᓕᓐᓂᑦ.

ᐅᑭᐅᑕᖅᑐᒥ ᒐᕙᒪᖃᕐᕖᑦ: ᓯᑯᒥ ᓵᑦᑐᒦᑦᑐᑦ On Thin Ice ᐱᐅᓯᑎᑦᑎᒋᐊᓂᐊᖅᑐᑦ ᑐᐊᕕᕐᓇᖅᑐᓄᑦ ᐸᕐᓇᓯᒪᓂᕐᒥᑦ ᐃᓄᓐᓄᑦ ᑎᒥᒥᒍᑦ ᐊᔪᕈᑎᖃᖅᑐᓄᑦ ᓄᓇᕗᒻᒥ ᐃᖅᑲᓇᐃᔭᖃᑎᒋᓗᒋᑦ ᑐᐊᕕᕐᓇᖅᑐᓄᑦ ᐊᖏᔪᖅᑳᑦ ᓴᖅᑭᑎᑦᑎᓗᑎᑦ ᐊᔪᕈᑎᓕᓐᓄᑦ ᐱᖃᓯᐅᑎᓗᒋᑦ ᓱᓇᒃᑯᑖᑦ ᐊᒻᒪ ᐊᑐᖅᑕᐅᔭᕆᐊᓖᑦ, ᐊᑐᓕᖅᑎᑦᑎᓗᓂ ᓯᓚᕐᔪᐊᒥ ᐱᐅᓛᓂᑦ ᐱᓕᕆᐊᖑᕙᑦᑐᓂ ᐅᑭᐅᑕᖅᑐᒧᑦ, ᓴᓇᓗᑎᓪᓗ ᐱᖅᑯᓯᓅᖓᔪᓂ ᐊᒻᒪ ᐅᖃᐅᓯᑦᑎᒍᑦ − ᓈᒻᒪᑦᑐᓂ ᑐᓴᐅᒪᔾᔪᑎᓕᕆᔨᓂᑦ ᐊᒻᒪ ᐃᖅᑲᓇᐃᔭᐅᑎᓂᑦ ᐊᑐᖅᑕᐅᓂᐊᖅᑐᓂ ᐸᕐᓇᐃᓂᕐᒧᑦ ᐊᒻᒪ  ᖃᓄᐃᓕᓯᒋᐊᕈᑎᓂ ᑐᕕᕐᓇᖅᑐᖃᖅᑎᓪᓗᒍ. ᓯᑯᒥ ᓵᑦᑐᒦᑦᑐᑦ On Thin Ice ᖁᕝᕙᕆᐊᖅᑎᑦᑎᒋᐊᓂᐊᕐᒥᔪᑦ ᑐᐊᕕᕐᓇᖅᑐᓄᑦ ᐸᕐᓇᓯᒪᒍᓐᓇᓂᕐᒥ ᐱᓪᓚᕆᓐᖑᐊᑐᒃᑯᑦ ᑐᐊᕕᕐᓇᖅᑐᓂ ᐃᓕᓐᓂᐊᓯᓐᓈᓂᕐᒥ ᐊᔪᕈᑎᓕᓐᓄᑦ ᑐᕌᖓᔪᓂᑦ.