ᐱᓕᕆᐊᒧᑦ ᓇᓗᓇᐃᖅᓯᒪᓂᖏᑦ

ᓯᑯᒥ ᓵᑦᑐᒦᑦᑐᑦ (ON THIN ICE) ᐱᓕᕆᐊᒧᑦ ᓇᓗᓇᐃᖅᓯᒪᓂᖏᑦ

ᐅᑭᐅᑕᖅᑐᖅ ᒫᓐᓇᐅᔪᒥ ᐊᓯᔾᔨᐸᓪᓕᐊᒻᒪᕆᑦᑐᖅ. ᐱᓪᓚᕆᐅᓂᖓ ᐊᒻᒪ ᐊᑦᑐᕐᓂᖃᑦᑕᐅᑎᒋᔪᑦ ᓯᓚᐅᑉ ᐊᓯᔾᔨᕐᓂᖓᓄᑦ, ᐅᓄᖅᓯᓂᖅᓴᐅᓗᑎᑦ ᐱᕙᓪᓕᐊᑎᑦᑎᖃᑦᑕᖅᑐᑦ, ᐊᒻᒪ ᐊᒥᓱᕈᖅᐸᓕᐊᓪᓗᑎᑦ ᖃᓪᓗᓈᓃᖔᖅᓯᒪᔪᑦ ᑲᓇᑕᐅᓪᓗ ᓯᓚᑖᓂ ᐅᖓᓯᑦᑐᒥᐅᑕᓂ ᓄᓇᓕᓐᓂᑦ ᐊᕕᑦᑐᖅᓯᒪᔪᓂᓪᓗ ᐃᓚᒋᐊᖅᑎᑎᑦᑎᔪᑦ ᐊᑦᑕᓇᕈᑎᐊᕈᓐᓇᕐᓂᖓᓂ ᐃᒥᑰᖅᑐᓂᑦ ᐃᓄᓐᓄᓪᓗ ᓴᓇᔭᐅᓯᒪᔪᓂ ᐱᓂᕐᓗᓐᓂᐅᔪᓂᑦ. ᐱᖅᔪᐊᕌᓗᒻᒥ ᐱᓂᕐᓗᑦᑐᖃᕈᓐᓇᕋᓗᐊᖅᑎᓪᓗᒍ ᐅᑭᐅᑕᖅᑐᒥᐅᑕᓕᒫᓄᑦ, ᐃᓄᐃᑦ ᑎᑎᒥᒍᑦ ᐊᔪᕈᑎᓖᑦ ᐊᓯᖏᓂᓪᓗ ᐊᑦᑕᓇᖅᑐᒦᓛᖑᔪᑦ.

ᐋᓐᓂᐊᖅᑐᓕᕆᓂᕐᒧᑦ ᐱᔨᑦᑎᕈᑎᖃᑦᑎᐊᖏᓐᓂᖅ, ᐊᑐᐃᓐᓇᐅᔪᑦ ᐃᖏᕋᔾᔪᑏᑦ, ᓄᓇᒥ ᓇᒦᓐᓂᖓ, ᐱᓕᕆᐊᖑᔭᕆᐊᓖᑦ ᐃᓪᓗᓕᕆᓂᕐᒨᖓᔪᑦ ᐊᒻᒪ ᓯᓚᑲᒻᒪᐅᖃᑦᑕᕐᓂᖓ ᐅᑭᐅᑕᖅᑐᒥ ᓯᓚᖓᓂ ᐊᐳᕈᑎᐅᔪᑦ ᖃᓄᐃᓕᓯᒋᐊᕐᓂᕐᒥᑦ, ᐱᖃᓯᐅᔾᔨᓂᕐᒥᑦ, ᐊᒻᒪ ᐊᑦᑕᓇᐃᖅᓯᒪᓗᑦ ᑎᒥᒥᒍᑦ ᐊᔪᕈᑎᓖᑦ ᐅᑭᐅᑕᖅᑐᒥ.

ᑐᕌᒐᕆᔭᖏᑦ ᓯᑯᒥ ᓵᑦᑐᒦᑦᑐᑦ ᓴᐳᔾᔨᓗᓂ ᐊᒻᒪ ᐊᑦᑕᓇᐃᖅᓯᒪᓂᖅᓴᐅᓗᑎᑦ, ᖃᓄᐃᖏᑎᐊᓂᕐᒥᑦ ᐊᒻᒪ ᐱᖃᓯᐅᔾᔨᓂᕐᒥᑦ ᐃᓄᓐᓂ ᑎᑎᒥᒍᑦ ᐊᔪᕈᑎᓕᓐᓂᑦ. ᐱᓗᐊᖅᑐᒥ, ᐃᒪᐃᑦᑐᒪᓂᐊᖅᑐᑦ ᐱᓕᕆᐊᒥ:

  • ᓴᖅᑭᔮᖅᑎᑦᑎᓗᓂ ᐱᖃᓯᐅᔾᔨᓂᕐᒥᑦ ᐊᒻᒪ ᐃᓅᖃᑎᒋᑦᑎᐊᕐᓗᒋᑦ ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ;
  • ᑲᔪᖏᖅᓴᐃᓗᓂ ᒪᓕᑦᑕᐅᔭᕆᐊᓕᓐᓂᑦ ᒪᓕᓐᓂᕐᒥᑦ ᐱᔾᔪᑎᖃᖅᑐᓂ ᒪᓕᒐᖅᑎᒍᑦ, ᑲᑎᒪᓂᐅᔪᑦ, ᒪᓕᑦᑕᐅᔭᕆᐊᓖᑦ, ᐊᑐᕕᕐᓇᖅᑐᓄᑦ ᒪᓕᑦᑕᐅᔭᕆᐊᓖᑦ ᓴᐳᒻᒥᔾᔨᔪᑦ ᐱᔪᓐᓇᐅᑎᖏᓐᓂ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ ᐊᓯᖏᓪᓗ ᑎᒥᐅᔪᑦ;
  • ᐊᑐᓕᕈᓐᓇᕐᓗᓂ ᓯᓚᕐᔪᐊᒥ ᐱᐅᓛᓂᑦ ᐱᓕᕆᐊᖑᕙᑦᑐᓂᑦ ᑐᐊᕕᕐᓇᖅᑐᒥ ᐊᐅᓚᑦᑎᓂᕐᒧᑦ ᐊᒻᒪ ᐱᓂᕐᓗᔾᔪᐊᖅᑐᓄᑦ ᐃᓄᓐᓄᑦ ᑎᒥᒥᒍᑦ ᐊᔪᕈᑎᖃᖅᑐᓄᑦ ᐊᓯᖏᓪᓗ ᑎᒥᐅᔪᑦ ᐊᔾᔨᐅᖏᑦᑐᒥ ᓄᓇᖓᓂ ᓇᒦᓐᓂᖓᓂ, ᐱᖅᑯᓯᓅᖓᓂᖏᑦ ᐊᒻᒪ ᓯᓚᖓ ᐊᓯᔾᔨᐸᓪᓕᐊᓂᖓᓄᑦ ᐅᑭᐅᑕᖅᑐᒥ;
  • ᑭᒃᑯᑐᐃᓐᓇᕐᓂᑦ ᐅᔾᔨᓱᕈᓕᖅᑎᑎᒃᑲᓂᕐᓗᓂ ᐱᔭᔅᓴᐅᓂᖏᓪᓗ ᑐᑭᓯᒋᐊᕈᑏᑦ ᓴᓇᔾᔪᑎᐅᓂᐊᖅᑐᓂ ᐊᔪᕈᑎᓕᓐᓄᑦ ᐱᕕᖃᖅᑎᓪᓗᒋᑦ, ᐊᔪᕈᑎᓖᑦ ᑐᐊᕕᓇᖅᑐᓄᑦ ᐸᕐᓇᓯᒪᓂᕐᒧᑦ ᐸᕐᓇᐅᑏᑦ;
  • ᓴᖅᑭᑎᑦᑎᓗᓂ ᐊᐅᓚᓂᖃᑦᑎᐊᖅᑐᒥ, ᐱᖅᑯᓯᓅᖓᔪᒥᑦᑕᐅᖅ ᐊᒻᒪ ᐅᖃᐅᓯᒃᑯᑦ−ᓈᒻᒪᑦᑐᒥ ᑐᓴᐅᒪᔾᔪᑎᓕᕆᔨᓂᑦ;
  • ᐱᐅᓯᑎᒋᐊᕐᓗᒍ ᑐᐊᕕᓇᖅᑐᒧᑦ ᐸᕐᓇᓯᒪᓂᐅᔪᖅ ᑎᒥᒥᔪᑦ ᐊᔪᕈᑎᓖᑦ ᐱᖃᓯᐅᔾᔭᐅᓗᑎᑦ ᑐᐊᕕᕐᓇᖅᑐᒥ ᐊᐅᓚᑕᐅᓂᖏᓐᓄᑦ ᐃᓕᓐᓂᐊᓯᓐᓈᕐᓂᐅᔪᒥᑦ ᐊᒻᒪ ᐱᓪᓚᕆᓐᖑᐊᓂᑦ;
  • ᐱᐅᓯᑎᒋᐊᕐᓗᒋᑦ ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ ᓇᒻᒥᓂᖅ ᐃᓅᓇᓱᐊᕐᓂᖏᑦ ᐊᒻᒪ ᖃᓄᐃᖏᑎᐊᓂᕐᒥᑦ ᑐᐊᕕᕐᓇᖅᑐᒥ ᐃᑲᔪᖅᑕᐅᓇᓱᐊᕐᓂᖏᓐᓄᑦ;
  • ᐱᒋᐊᖅᑎᑦᑎᓗᓂ ᐃᓚᐅᖃᑕᐅᔪᖃᕐᓗᓂ ᐱᓕᕆᐊᒥᑦ ᐊᔪᕈᑎᓕᓐᓄᑦ ᐱᖃᓯᐅᔾᔭᐅᓗᑎᑦ ᑐᐊᕕᕐᓇᖅᑐᒥ ᐊᐅᓚᑦᑎᓂᕐᒧᑦ ᐅᑭᐅᑕᖅᑐᒥ ᐃᓕᓐᓂᐊᕐᕕᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ON THIN ICE, ᖃᐅᔨᒋᐊᕐᕕᒋᒍᒃ ᖃᕋᓴᐅᔭᒃᑯᑦ: www.onthiniceproject.ca. ᑖᓐᓇ ᐱᓕᕆᐊᖅ ᑮᓇᐅᔭᖃᖅᑎᑕᐅᔪᖅ ᑲᓇᑕᐅᑉ ᒐᕙᒪᒃᑯᖏᓐᓂᐃᓅᖃᑎᒌᓐᓂᕐᒧᑦ ᐱᕙᓪᓕᐊᑎᑦᑎᓂᕐᒧ ᐱᓕᕆᖃᑎᒌᓐᓂᒃᑯᑦ ᐱᓕᕆᐊᒥ ᐊᒻᒪ ᐊᐅᓚᑕᐅᔪᖅ ᓯᓚᕐᔪᐊᒥ ᑲᑐᔾᔨᖃᑎᒌᑦ ᐊᑐᖅᑕᐅᔪᓐᓇᕐᓂᖏᓐᓄᑦ ᐊᕙᑎᖏᓂᓪᓗ (GAATES).

GAATES ᒥᔅᓵᓄᑦ

ᓯᓚᕐᔪᐊᒥ ᑲᑐᔾᔨᖃᑎᒌᑦ ᐊᑐᖅᑕᐅᔪᓐᓇᕐᓂᖏᓐᓄᑦ ᐊᕙᑎᖏᓂᓪᓗ (GAATES) ᓯᕗᓕᖅᑎᐅᔪᖅ ᓯᓚᕐᔪᐊᒥ ᑮᓇᐅᔭᐅᓕᐅᕋᓱᐊᖏᑦᑐᓂ ᑲᑐᔾᔨᖃᑎᒌᓂᑦ ᑲᑎᑎᑦᑎᕙᑦᑐᖅ ᐃᓄᓐᓂᑦ ᑲᑐᔾᔨᔾᖃᑎᒌᓂᓪᓗ ᑲᔪᖏᖅᓯᒪᔪᑦ ᓴᖅᑭᔮᖅᑎᑦᑎᓂᕐᒥ ᐃᓯᕋᔅᓴᐅᓂᖏᓐᓂ ᓴᓇᓯᒪᓂᖏᑦ ᐊᒻᒪ ᖃᕋᓴᐅᔭᒃᑯᑦ ᐊᕙᑎᖏᑦ. GAATES ᑎᓂᓐᖑᖅᑎᑕᐅᓚᐅᖅᓯᒪᔪᖅ ᑲᓇᑕᒥ 2007-ᒥ ᓯᓚᕐᔪᐊᒥ ᑲᑐᔾᔨᖃᑎᒌᒧ ᑲᔪᖏᖅᓯᒪᔪᑦ ᓴᖅᑭᔮᖅᑎᑦᑎᓂᕐᒧᑦ ᐊᑐᕋᔅᓴᐅᓂᖏᓐᓄᑦ ᓯᓚᕐᔪᐊᓕᒫᒥ.

GAATES’ ᐱᓕᕆᐊᕆᓂᐊᖅᑕᖏᑦ ᓴᖅᑭᔮᖅᑎᓪᓗᒍ ᑐᑭᓯᐅᒪᔭᐅᓂᖓ ᐊᒻᒪ ᐊᑐᓕᖅᑎᑕᐅᓂᖓ ᐊᑐᖅᑕᐅᔪᓐᓇᕐᓂᖏᑦ ᓴᓇᓯᒪᑦᑎᐊᕐᓂᖏᑦ, ᐃᓅᖃᑎᒌᓐᓂᕐᒧᑦ ᖃᕋᓴᐅᔭᒃᑯᓪᓗ ᑕᑯᔅᓴᐅᑎᑕᒐᐃᑦ, ᐱᖃᓯᐅᑎᓪᓗᓂ ᓴᓇᓯᒪᓂᖓ ᐱᖁᑎᕐᔪᐊᑎᒍᑦ ᑎᑎᕋᐅᔭᖅᓯᒪᓂᖓ, ᐃᖏᕋᔾᔪᑏᑦ, ᑐᐊᕕᕐᓇᖅᑐᓄᑦ ᐸᕐᓇᓯᒪᓂᕐᒧᑦ ᐊᑐᖅᑕᐅᒋᐊᓖᑦ, ᓇᔪᖅᑕᐅᕙᑦᑐᑦ, ᐊᒻᒪ ᖃᕋᓴᐅᔭᒃᑯᑦ ᑐᑭᓯᒋᐊᕈᑏᑦ ᐊᒻᒪ ᑐᓴᐅᒪᔾᔪᑎᐅᔪᑦ ᑭᒃᑯᓕᒫᑦ, ᐃᓄᐃᓪᓗ ᑎᒥᒥᒍᑦ ᐊᔪᕈᑎᓖᑦ ᐃᓐᓇᐅᓂᖅᓴᐃᓪᓗ ᐃᓚᐅᖃᑕᐅᑦᑎᐊᕈᓐᓇᖁᓪᓗᒋᑦ ᐊᒻᒪ ᑐᓂᓯᓗᑎᑦ ᐃᓅᖃᑎᒌᑦᑐᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ GAATES-ᒥᔅᓵᓄᑦ, ᖃᐅᔨᒋᐊᕕᒋᒍᒃ ᖃᕋᓴᐅᔭᒃᑯᑦ: www.gaates.org