ɂı̨łą kulı́ dene ts’enı̨ yuné hoɂą hılé

“ɂëłts’enı̨ ts’ųlı̨ de ɂı̨łą kulı́ bedı̨ hoɂąhılé hoɂąsı No frıend left behınd” t’ats’edı́ k’ı́ hotthe dué hahóné ch’á sehudé hats’edı́ sı yatı́ t’á ɂëdızı́ ɂëdza nęnę ts’en ɂërıhtł’ıs kuę dëne godhé hodoneltęn ha. Ku hotıe degharé ɂası nezų k’enaradé sı bet’á natser ha dëne godhe hotıe honëłtą dé ɂëdırı ɂasıé ghą, kolyá dé dëne t’ą betth’ı ɂá dadathëɂá sı ghą benerıdı́ ha lá, nąnı̨ tth’ı yatı́ ch’ële bek’esı heldel tth’ı lá, ku ɂëdırı dëne godhe honełtą dé hotıé dëne ts’eranı̨ ha hozı̨dhęn ha.

“ɂëłts’enı̨ ts’ųlı̨ de ɂı̨łą kulı́ bedı̨ hoɂąhılé hoɂąsı No frıend left behınd” k’ı hotıe dëne hel sughuá hołɂą hodorëłɂı̨h sı dëne godhé hel t’ąhą due hajá dé dëne godhé t’ą betth’ı ɂa daghı̨ɂá ts’edı́ há. Ɂeyı ɂá nuhnı̨ on thın ıce tęn detąnı́ hılé hots’ı̨ dëne k’ı́ sekuıhonëłtęnı́ dëne hel degharé ɂëghadaladaı hası̨ t’at’ú dëne ch’alanıe chu yatı k’anotá hel yatı hołé ha hotıé dëne ɂedıır honerënı́ ha.