T’áhą dué ch’a hotthe sëhude

Ku ɂëdırı tęn dëtąnehılé on thın ıce yatı́ k’é hotthe ts’en tth’u dëne xa hotıé nanótá sı dué hahuné ts’en tth’ú horelyų dëne t’ą bëtth’ı ɂá narałtı́ sı bá ɂëdızı ɂëdza nęnę k’eyaghe hots’en.

Indıvıduals tthęnı dëne: Ku ɂëdırı on thın ıce tęn detąnı́ hılé k’ı́ nuhnı́ dëne t’ą nuhëhel netth’ı́ ɂá daghıɂá  dé nuhëts’edı́ ha hozelɂı̨h sı nuhel nahóté ch’á. Ku ɂëdırı project team t’ą dëne ɂëłá dëłtth’ı́ k’ı hotthe dëne ɂëłk’ech’a nuhenęnę̨ hots’ı̨ hel deltth’ı nı̨ ɂëdırı yatı́ dałtsı́ ts’en tth’u, ku ɂeyı bet’á yatı godhé hołé ha sı́ nęn ląt’é dëne hobets’edı́ há yunadhé dé. Horelyų ɂası́ ɂá nuhebá sëhudé hoɂą sı, ɂerıhtł’ıs tth’ı selyé hoɂą t’ą dëne betth’ı́ ɂá dadatheɂá sı bası́ dąlı̨. Ku ɂëdırı on thın ıce hots’ı̨ dene k’ı nuhëhel nadayałtı́ hası̨ ɂedırı benerı̨nı̨ ha t’ąt’ú ɂëdırı yatı bet’oreɂá ha nuhenęnę k’eyaghé.

Communıty t’ok’é narodé sı: Ku ɂëdırı on thın ıce tęn detąnı́ hılé hots’ı̨ dëne k’ı́ nenęnę k’eyaghé hots’ı̨ dëne hodonełtęn xa hotıé dëne t’ą betth’ı́ ɂá dadatheɂá sı hobası́ t’ąt’ú hotıé bets’edı́ ha. Ku ɂëdırı ɂasıé k’ı́ bet’á dëne łą yet’orëłthı́ ha dëne hel sughuá hoɂą há horelyų dëne ɂëłts’eradı́ hoɂą t’ą dëne betth’ı́ ɂá dadathëɂá sı hel.

Terrıtorıes ɂëdızı ɂëdza nęnę naré: ku ɂëdırı on thın ıce tęn detąnı́ hıle hots’ı̨ dëne k’ı́ t’ą dëne nuhehel ɂëghadalná sı horelyų ɂëła nuhëba sughuá nųɂá k’enaradé hası̨ bet’á t’ąt’ú nohët’sedı́ sı hobası́ hok’enats’edé hoɂą horelyų ɂëdza nęnę nanehoɂá hots’ı̨. Ku ɂëdırı t’a hołé ha k’ı́ nıh bąnı́ t’ąt’ú dne t’ą betth’ı́ ɂá dadatheɂá sı ghare hołé hoɂą ɂëdza nęnę naradé bá, ku dëne ch’alanıé chu yatı tth’ı hel hoɂą bet’a beneredı́ há. Ku ɂeyı t’á dene xa hotıé sehudé há dué hóch’á nuhënęnę k’eyaghé. Ku on thın ıce hots’ı̨ dëne tth’ı nuhëhel dué hanodé ch’á tth’ı́ hotthe dëne hodoneltęn ha t’ąt’u ɂëdırı ghą benerédı́ ha emergency management exercıse hulye dëne honeltęn t’ą’t’ú due nųłtth’er dé t’ąt’u beghaladá ha.